«Барселона» Неймарга ўринбосар топиб қўйган

«Барселона» «Монако» ҳужумчиси Килиан Мбаппега қизиқиш билдирмоқда. Бу ҳақда Daily Mail нашри хабар тарқатди.

Манба берган хабарга кўра, каталонияликлар клуби 18 ёшли француз футболчисини «ПСЖ»га ўтиши мумкин бўлган Неймар ўрнига номзод сифатида кўрмоқда.

Қайд этиб ўтиш жоиз, Мбаппени сотиб олиш учун «Реал», «Арсенал» ва «Ливерпуль» жамоалари ҳам даъвогарлик қилишмоқда.

Эслатиб ўтамиз, олдинроқ «Барселона» парижликлар яримҳимоячиси Марко Верраттини сотиб олиш учун ҳаракат қилаётгани маълум бўлганди.