Тереза Мэй яна 4 йил Британия бош вазири бўлиб қолиши башорат қилинди

Буюк Британия транспорт вазири Крис Грэйлингнинг Daily Telegraph’га берган интервьюсида маълум қилишича, мамлакат бош вазири Тереза Мэй ўз лавозимини камида 2020 йилгача сақлаб қолади.

Унинг ишонч билдиришича, Мэй 2019 йилнинг мартида Brexit рўй берганидан сўнг ҳам бош вазир сифатида ишлашни давом эттиради, сабаби Консерватив партияда катта қўллаб-қувватловга эга.

«Уни бош вазир сифатида кўришни хоҳламоқдаман ва ўйлашимча, шундай бўлади ҳам», - деди у Мэй 2020 йилда ҳам бош вазир бўлиб қоладими, деган саволга жавоб қайтариб. Бу ҳақда Reuters ёзмоқда.

Вазирнинг фикрича, Мэй кейинги сайловларда ҳам иштирок этиши мумкин ва у ғалабага яхши имкониятларга эга. Грэйлинг – Мэйнинг ҳозирги ҳукуматида унга энг яқин вазирлардан бири ҳисобланади.