Японияда янги ташқи ишлар ва мудофаа вазирлари тайинланди

Япония бош вазири Синдзо Абэ Таро Конони ташқи ишлар вазирлигининг янги раҳбари этиб тайинлади. Бу ҳақда NHK телеканали хабар бермоқда.

Коно аввал маъмурий ислоҳотлар бўйича вазирлик раҳбари вазифасини бажарган.

Шунингдек, аниқлик киритилишича, мамлакатнинг янги мудофаа вазири этиб Ицунори Онодэру тайинланди.

Таъкидланишича, Синдзо Абэ ҳаммаси бўлиб 19 та янги вазирни тайинлаган, улар орасида молия вазири, ички ишлар ва коммуникациялар вазири, адлия вазири, таълим, маданият, спорт, илм-фан вазирлари ва бошқалар бор.