Рассом ва ҳайкалтарошлар асарларини давлат музейларига сотиб олиш учун ҳар йили 2 млрд сўм ажратилади

Ўзбекистон Республикаси Президенти Шавкат Мирзиёев 3 август куни мамлакат ижодкор зиёлилари вакиллари билан учрашди.

Тадбирда миллий таниқли маданият намоёндалари, атоқли шоир ва адиблар, театр, кино, мусиқа санъати соҳасининг атоқли ҳамда ёш вакиллари, санъатшунос олимлар, журналистлар иштирок этди.

Мажлисда давлат раҳбари Ўзбекистон Бадиий академияси фаолиятини ривожлантириш бўйича Президент қарори тайёрланаётганини маълум қилди. Ушбу ҳужжатга кўра, Бадиий академия аъзоларининг ижтимоий таъминот шароити Ўзбекистон Фанлар академияси аъзоларининг ижтимоий таъминот шароитига тенглаштирилади. Рассом ва ҳайкалтарошлар томонидан яратилган картиналарни давлат музейларига сотиб олиш учун Маданият вазирлигига ҳар йили 2 миллиард сўм миқдорида маблағ ажратилади.