Жанубий ва Шимолий Корея янги музокараларни бошлаш арафасида турибди
Жанубий Корея расмийлари шу ҳафта минтақавий учрашув давомида шимолликлар билан музокараларни ўтказиши мумкинлигини билдирди. Жанубий Корея Ташқи ишлар вазири Канг Кунг Ва, имкон туғилди, дегунча Пхеньяндаги ҳамкасби билан суҳбатлашиб олишини таъкидлаган, деб ёзадиYonghap нашри.
БМТ Хавфсизлик Кенгаши ҳам шанба куни Шимолий Кореяга нисбатан янгиланган санкцияларни эълон қилиши кутилмоқда. Бу шимолдагиларнинг янги қуролларни синаб кўришига жавоб, дея таърифланмоқда. Шу ҳафта Манила шаҳрида ўтказиладиган Жануби-шарқий Осиё давлатларининг (ASEAN) навбатдаги йиғилишида АҚШ Давлат котиби Рекс Тиллерсон ҳам иштирок этиши режалаштирилган, асосий масала Шимолий Кореянинг янги қуролларни синовдан ўтказиши бўлади.
Айни пайтда Япония, Жанубий Корея, АҚШ вакиллари томонидан янги БМТ санкцияларининг лойиҳаси ишлаб чиқилган. Эслатиб ўтамиз, расмий Пхенян июль ойининг ўзида икки маротаба қитъалараро баллистик ракеталарни синовдан ўтказган эди.
Мавзуга оид
23:41 / 25.10.2024
КХДР Россияга иккинчи гуруҳ ҳарбийларини юборишга тайёрланмоқда — Bloomberg
15:22 / 25.10.2024
Жанубий Корея ҳукумати аҳолини ёлғизликдан қутқариш учун 327 млн доллар сарфлашни режалаштирмоқда
15:07 / 25.10.2024
Ветнамдан Эронгача: Шимолий Корея қачон ва кимларга урушда ёрдам берган?
19:43 / 22.10.2024