ТИВда Сербия президентининг махсус вакили билан учрашув бўлиб ўтди

2017 йилнинг 7 август куни Ўзбекистон Республикаси Ташқи ишлар вазирлигида Сербия Республикаси Ташқи ишлар вазирлиги Сиёсий директори, Президентнинг Махсус вакили Зоран Вуйич билан учрашув бўлиб ўтди.

Суҳбат давомида икки томонлама муносабатларга доир масалар муҳокама қилинди. Асосий эътибор сиёсий, савдо-иқтисодий, инвестицион, маданий-гуманитар ва бошқа соҳалардаги ҳамкорликни ривожлантиришнинг истиқболли йўналишларига қаратилди.

Музокаралар чоғида Ўзбекистон-Сербия ҳамкорлигининг шартномавий-ҳуқуқий базасини шаклантиришдаги қўшма ишлар бориши батафсил кўриб чиқилди.

Сербия томони 2017-йилнинг август ва ноябрь ойларида Самарқанд шаҳрида бўлиб ўтадиган “Жаҳон тамаддуни тариҳида Марказий Осиё Ренесанси” ва “Марказий Осиё: умумий ўтмиш ва муштарак келажак, барқарор ривожланиш ва тараққиёт йўлида ҳамкорлик” халқаро конференцияларига таклиф қилинди.