Трамп Жанубий Корея президенти билан телефон мулоқоти ўтказди

Фото: Yonxapnews.co.kr

АҚШ президенти Дональд Трамп жанубий кореялик ҳамкасби Мун Чжэ Ин билан телефон мулоқоти ўтказди. Бу ҳақда Америка раҳбари твиттердаги саҳифасида маълум қилган.

«Ҳозиргина Жанубий Корея президенти Мун Чжэ Ин билан телефон мулоқотини якунладим. БМТ Хавфсизлик Кенгашининг Шимолий Кореяга нисбатан санкциялар бўйича овоз бериш жараёнидан жуда кўнглим тўлди», - дея ёзди Трамп.

Аввалроқ БМТ Хавфсизлик Кенгаши КХДРга қарши санкцияларни кучайтиришни ёқлаб овоз берди. Санкциялар мамлакат экспортини қисқартиришга қаратилган.