«Реал» ва «Барселона» яна бир футболчи учун рақобат қилади
Дортмунднинг «Боруссия» клуби ҳужумчиси Усмон Дембеле «Реал» трансфер қилиши мумкин бўлган футболчилар рўйхатида турибди.
Mundo Deportivo хабарига кўра, Мадрид клуби «Монако»дан Килиан Мбаппени трансфер қилиш бўйича келишувга эриша олмаяпти, шу туфайли жамоа эътиборини Дембелега қаратиши мумкин.
Бундан ташқари, «Реал» раҳбарияти «Барселона»ни трансферлар борасида яна бир бор доғда қолдиришни истамоқда.
Қайд этиш керакки, бу ёзда Мадрид жамоаси каталонияликлар клуби ҳам даъвогарлик қилган Тео Эрнандес ва Дани Себальосни қўлга киритди.
Охирги хабарларга кўра «Боруссия» Дембелени 150 миллион еврога баҳолаган. Уни Неймарга ўринбосар сифатида кўраётган «Барселона» эса бунча тўламоқчи эмас. Клубдагилар у кетмоқчилиги ҳақида раҳбариятга ўзи маълум қилиши ва шу орқали нарх тушишига умид қилмоқда.
Мавзуга оид
13:55 / 23.10.2024
«Реал»да яна камбэк, «ПСЖ» оғир вазиятда. Кун ўйинлари
13:56 / 21.10.2024
Гвардиолада тўпурар ҳимоячилар, «Барса» рақибларга даҳшат солмоқда. Кун ўйинлари
12:18 / 20.10.2024
«Арсенал» кутилмаганда ютқазди, «Реал»га Мбаппенинг шедеври ва Модричнинг даҳоси ёрдам берди. Кун ўйинлари
17:00 / 19.10.2024