Россиянинг бешинчи авлоддаги қирувчиси Су-57 деб номланди

Россия ҳарбий-космик кучлари бош қўмондони Виктор Бондарёвнинг маълум қилишича, бешинчи авлоддаги янги қирувчи Су-57 номини олди, деб хабар бермоқда «Звезда» телеканали.

«Самолёт худди бола туғилганидан сўнг исм олгани каби, янги ном билан аталди. Су-57 – энди биз уни шундай атаймиз», - дея маълум қилди Бондарев.

Аввал самолёт заводдаги индекс бўйича Т-50 деб аталган. 

Су-57 – Россиянинг бешинчи авлоддаги қирувчиси бўлиб, Сухой конструкторлик бюроси томонидан ишлаб чиқилди.

Таъкидланишича, Су-57 бўйича маълумотнинг катта қисми махфийдир. Унинг баъзи жиҳатлари ошкор этилган, холос: самолёт энг янги борт электроникаси, радарга эга, қирувчи учувчилари янги парвоз костюми ва бош кийимига эга бўлади.