Uzbekistan Airways ёнилғи танқислиги туфайли Ўзбекистондан Россияга айрим парвозларни қисқартиради

Авиакомпания Ўзбекистондан Россиянинг айрим шаҳарларига парвозлар сони қисқартирилишини эълон қилди.

Фото: Kun.uz

Компания хабарига кўра, бу авиация ёнилғиси танқислиги ва нархи ошгани билан боғлиқ.

«Шу билан бирга, биз сизни парвоз дастуридаги жорий ўзгаришлар ҳақида хабардор қилишимиз керак. Авиация ёқилғиси танқислиги ва унинг қимматлашиши сабабли биз Ўзбекистон шаҳарларидан Россия Федерациясига айрим йўналишлар бўйича парвозлар сонини қисқартиришга мажбурмиз», дейилади хабарда.

Авиакомпания қайси шаҳарларга парвозлар қисқартирилганига аниқлик киритмади.

Uzbekistan Airways (HY) Ўзбекистондан Россияга Тошкент, Самарқанд, Бухоро, Урганч, Наманган, Фарғона, Андижон, Қарши, Нукус, Навоий, Термиз ва бошқа шаҳарлардан парвозларни амалга оширмоқда. Асосий йўналишлар Москва, Санкт-Петербург, Екатеринбург, Қозон, Новосибирск, Краснодар, Сочи, Уфа, Нижневартовск, Иркутск, Красноярск, Махачкала, Грозний ва бошқа кўплаб шаҳарларни ўз ичига олади.

Аниқ миқдор мавсумга қараб ўзгаради (ёзги/қишки жадвал) ва ҳафтасига 100 дан ортиқ парвозлар (барча йўналишлар ва частоталар билан) бўлиши мумкин. Умумий маълумотларга кўра, Ўзбекистон Россия билан авиақатновлар учун энг «тиғиз» йўналишлардан биридир.