Трамп Абэ билан КХДР масаласини муҳокама қилди

АҚШ президенти Дональд Трамп Япония бош вазири Синдзо Абэ билан телефон орқали музокаралар ўтказди. Бу ҳақда Reuters хабар бермоқда.

Сиёсатчилар суҳбат давомида Шимолий Корея атрофидаги вазиятни муҳокама этишган.

Оқ уйнинг баёнотида айтилишича, Вашингтон “КХДРнинг АҚШ ёки унинг иттифоқчилари, Жанубий Корея ва Японияга нисбатан исталган таҳдиди ёхуд ҳаракатларига жавоб бериш ҳамда бунда ҳимоячи сифатида чиқишга тайёр”.

Аввалроқ Ким Чен Ин ҳарбийларга Гуамга исталган вақтда зарба беришга тайёр туриш ҳақида буйруқ бергани хабар қилинганди.