Италиянинг давлат қарзи рекорд қийматга етди

Фото: CC0

Италиянинг давлат қарзи 2017 йил июнда 2,281 трлн евродан ошиб, рекорд қийматга етди. Бу ҳақда мамлакат марказий банки ҳисоботида айтилган.

Аввалги салбий рекорд 2017 йил май ойида қайд қилинганди, ўшанда Италия давлат қарзи 2,279 трлн еврони ташкил қилганди. Шу тариқа Италия давлат қарзи 2 ой ичида 2 млрд еврога ошган.

Ўтган йил давомида Италия қарзи 2,07 фоизга (45 млрд евро) ошиб, 2016 йил 31 декабрида 2,217 трлн еврони ташкил қилганди.

Италия иқтисодиёти 2017 йил 2-чораги натижаларига кўра 1-чоракка нисбатан 0,4 фоизга ошган. 1-чоракда Италия иқтисодиёти 1,2 фоизга ошгандан кейин, йиллик ҳисобда 1,5 фоизга ошган.

Умуман олганда ўтган йил Италия ялпи ички маҳсулоти 1 фоизга ошган.

#Италия #давлат қарзи