Тошкентда фуқаро 2 килограммдан ортиқ марихуана билан ушланди

2017 йилнинг 17 август куни тахминан соат 16:00 ларда ички ишлар идоралари ходимлари томонидан ўтказилган “Комплекс” тезкор тадбири давомида, Миробод туманида жойлашган мебеллар дўкони ёнида фуқаро Алексей Фоменко тўхтатилиб, ундан кейинчалик ўтказиш мақсадида сақлаб келаётган, оғирлиги 2 килограмм 161,33 грамм бўлган «марихуана» гиёҳвандлик воситаси аниқланиб олинган.  Бу ҳақда Тошкент ИИББ хабар берди.

Мазкур ҳолат юзасидан Миробод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 273-моддаси 2-қисми (гиёҳвандлик воситаларини ўтказиш мақсадини кўзлаб, озгинадан кўпроқ миқдорда сақлаш) аломатлари билан жиноят иш қўзғатилган. Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.