iPhone 8'нинг сотувга чиқиш санаси маълум қилинди

Фото: Ferra.ru

Apple 15 сентябрдан, яъни янги смартфон тақдимотидан уч кун ўтиб янги iPhone 8 қурилмасига дастлабки буюртмаларни қабул қилишни бошлайди. Бу ҳақида гаджетларга ихтисослашган қатор оммавий ахборот воситалари, жумладан Macerkopf ҳам хабар берди.

Манбага кўра, Apple'нинг янги флагмани дўконлар расталарига бир ҳафта кейин, 22 сентябрда чиқади. Корпорациянинг ўзи янги телефон сотувларининг бошланиш санасини расман эълон қилмади.

Шунингдек, тасдиқланмаган маълумотга кўра, кутилаётган анжуманда Apple компанияси iPhone 8'дан ташқари яна Apple Watch 3 ва янги авлод Apple TV'ни ҳам намойиш этади.