2017 йил 7 сентябрь куни Тожикистон жамоатчилиги эътиборига тушмаган муҳим бир воқелик юз берди. У сўнгги вақтлардаги энг тарихий ҳодисалардан биридир, дейилади Asia Plyus агентлигида чоп этилган мақолада. Бу хабарни жаҳоннинг барча етакчи ОАВ: Financial Times, Bloomberg, Reuters, РБК кабилар ёритди.
Гап шундаки, Тожикистон республикаси ўз тарихида биринчи маротаба очиқ облигациялар бозорига чиқди. Буни қандайдир республиканинг IPO (Initial Public Offering) амалиёти дейиш ҳам мумкин. Мамлакат қисқа вақт ичида икки етакчи рейтинг агентликларид рейтингига эришиб, битимда андеррайтерлар сифатида иштирок этган икки халқаро банк манфаатларига эга бўлган. Эндиликда, республиканинг долларли облигациялари қимматли қоғозлар очиқ бозорида сотилади.
Унинг асосий устунликлари шундан иборатки, у биринчи марта савдога чиқарилмоқда, Тожикистон ҳақида кўпчилик билмайди. Тожикистон заҳиралари ортиб бормоқда, бугунги кунда бу рақам 800 млн долларни ташкил этади. Ташқи қарздорлик 2,5 млрд доллар бўлиб, ЯИМнинг 40 фоизидан пастдир.
Шу билан бирга бюджет тақчиллиги мавжуд бўлиб, у йилига 34 млн долларни ташкил этади. Бу эса, Тожикистоннинг Хитойга газ транзитидан оладиган маблағларидан анча камдир. Роғун ГЭСдан тушадиган даромад эса йилига 800 млн долларни ташкил этиши тахмин қилинаяпти. Айни вақтда, ушбуГЭСнинг бош пудратчиси Salini Impregilo билан 4 млрд доллардан ортиқ бўлган шартнома имзоланган.
