Дунёдаги илк ақлли эшик қўнғироғи тақдим этилди

Фото: Nest Labs

Nest компанияси янги гаджет – дунёдаги илк ақлли эшик қўнғироғини тақдим этди. Nest Hello деб номланган бу гаджет микрофонли камера, динамик, остонани ёритувчи чироқ ва ҳолатни кўрсатувчи ёруғлик-диодли индикатор билан жиҳозланган.

Қурилма 160 градус бурчак остида 4:3 форматда HD-видео ёзади. Камера эшик ёнига келган одамни бошдан оёқ кўра олади.

Nest Hello’да юзларни танувчи Nest Cam IQ интеллектуал технологияси қўлланган. Қўнғироқ танишларни бегоналардан ажрата олади ва бу ҳақда фойдаланувчига хабар беради.

Гаджет автожавоббергич билан жиҳозланган: мисол учун қўнғироқни почтачи босганда унга пакетни эшик остида қолдириш таклиф қилинади.

Nap Time режими уйда ухлаётган кичик болаларни безовта қилмасликка имкон беради. Бола ухлаётган вақтда қўнғироқ босилса, унинг овози янграмайди, бироқ фойдаланувчи смартфонига тегишли хабар келади. Sightline функцияси эса эшик ёнига охирги бир неча кун ичида кимлар келганини кўришга имкон беради.

Ҳозирда инновацион қўнғироқ нархи маълум қилинмаган. Гаджет савдога кейинги йилнинг 1-чорагида чиқиши кутилмоқда.

Know who’s knocking. Introducing the Nest Hello video doorbell. Coming early 2018. #NestSecurity #NestEvent pic.twitter.com/VmiIKQpu3P
— Nest (@nest) September 20, 2017