Фото: Барселоналиклар тонг отмасдан сайлов участкаларида тўпланишди
Барселона шаҳрида Каталониянинг Испаниядан мустақил бўлиши учун ўтказилаётган референдум арафасида сайлов участкаларида узун навбатлар пайдо бўлди.
Каталония пойтахтидаги сайлов участкаларида овоз бериш жараёни бошланишидан бир неча соат олдиноқ юзлаб кишилар тўпланган. Об-ҳаво яхши эмаслиги, ёмғир ёғаётганига қарамасдан одамлар сайлов участкаларига келишда давом этишмоқда.
Шаҳарда автомобиллар ҳаракати қийинлашган.
Фаоллар, ота-оналар ҳамда уларнинг фарзандлари тунни Барселонадаги мактабларда ўтказишган.
Сайлов участкалари маҳаллий вақт билан соат 09:00да (Тошкент вақти билан соат 12:00да) очилади ва соат 20:00гача овоз бериш жараёни давом этади. Каталония бўйлаб 2315та сайлов участкаси тайёрланган, жами 5,3 миллион сайловчи референдумда иштирок этиши кутилмоқда.
Айни вақтда сайлов участкаларига сайлов урналари ва бюллетенлари олиб келиниши бошланган.
Сўровларга кўра, Каталония мустақиллигини 41 фоиз киши қўллайди, 49 фоиз киши қарши. Мустақиллик референдуми ўтказилишини сўровда қатнашган каталонияликларнинг 80 фоизи қўллаб-қувватлаган, аммо уларнинг кўпчилиги референдум расмий Мадрид билан келишилган ҳолда ўтказилиши керак, деб ҳисоблайди.
Мавзуга оид
21:00 / 27.08.2024
Қозоғистонда атом электр станциясини қуриш бўйича референдум ўтказилади
15:10 / 10.08.2024
Каталония сепаратистлари етакчиси Пучдемон Испанияни тарк этди
11:03 / 09.08.2024
Каталония сепаратистлари етакчиси Пучдемон Испанияга қайтди
07:10 / 09.08.2024