Бинокль — эркакларнинг мажбурий бўлмаган тўплам предмети, бироқ бирор нарсани кузатиш керак бўлган тақдирда усиз илож йўқ. Айнан шунинг учун Trendymen дўкондан харид қилиш мумкин бўлган энг яхши тўққиз бинокль ҳақида маълумот берди.
Nikon 7540 Monarch 3 8×42
Nikon бинокллари қатори жуда кенг ва унда ҳар қандай вазифани бажарувчи ускуналар топилади. Шундай бўлса-да, агар сиз Осиё жунглиларига саёҳатни қилишни кўзламаган бўлсангиз, ўртача Monarch 3 моделини сотиб олишингиз мумкин. Бинокль сув ва зарбага чидамли бўлиб, ташқи ва ички линзаларнинг яллиғланишига қарши қоплама билан жиҳозланган ва бу ҳар қандай ёруғликдаги шароитда ҳам ажойиб аниқликни таъминлайди.
Bushnell Legend Ultra 10×42
Bushnell Legend Ultra бинокли ёввой табиат манзаралари ва унинг кенгликлари бўйлаб саёҳатга отланганлар учун айни муддаодир. Биноклда ультракенг тармоқли қопламадан фойдаланилган, у олд томонни орқа томондан визуал ажратиш ва аниқлик даражасини яхшилаш имконини беради, 42 миллиметр диаметрли линзалар эса ҳақиқатда кўп нарсани кўриш имконини яратади.
Steiner Predator Xtreme 8×22
Барча экстремалларнинг "ёқимтойи" бўлган бу бинокль ихчамлик ва тасвир сифатини ўзида жамлаган. У чўнтакка сиғиб кетишига қарамай, жиддий ускуна ҳисобланади. Гап унинг махсус сифат тизимидадир. Ундаги линзалар одатий туннель схемасида эмас, призма кўринишида жойлашган, бу эса минимал хатоликлар билан тасвир майдонини кенгайтириш имконини беради.
Celestron Skymaster Giant 15×70
Бу модель аввалгисининг акси ҳисобланади ва чўнтакка сиғмайди. Бу бинокль 70 миллиметрли объективга эга, яқинлаштириш тизими эса худди телескопники каби ишлайди. Skymaster Giant линзалари орқали ойдаги кратерларни кўриш мумкин ёки қарама-қарши уйдаги фитнес ускунасини батафсил томоша қилиш мумкин.
Vortex Optics Razor HD 10×42
Бундай биноклни ҳеч иккиланмай постапокалиптик тўпламга киритиш мумкин: енгил, сув ўтказмайдиган, ажойиб тасвир сифатига эга бу биноклга ўз тоифасида тенг келадигани йўқ. Линзаларнинг махсус геометрия асосида жойлашган диэлектрик қопламаси юқори аниқликдаги биринчи даражали яқинлашув эффектини яратади.
Steiner Tactical 6508 10×42
Бу биноклга эга бўлиб туриб, ўрмонда душманни пойлаш ўрнига қушларни кузатсангиз хато қиласиз. Бу ускуна ҳарбий тактик бинокллар сирасига киради ва ўз мавқеига мувофиқ имкониятларни таклиф қилади. Зарба ва сувга чидамли бу биноклнинг ичида диэлектрик ва поляризацион қопламали линазалар тизими, мақсадли масофа ўлчагич ва баландлик ўлчагич бор.
Bushnell Night Vision 2.5×42
Ойсиз тунда бойқушнинг нигоҳини кўриш - бинокль харид қилиш учун яхши сабаб. Bushnell Night Vision бу вазифа учун айни муддао, зеро у тунги кўриш тизими билан жиҳозланган.
Swarovski Optik 10×42
Енгил номланишига қарамай, Swarovski бинокли энг аввало профессионал овчиларга мўлжалланган. У мақсадни, унгача бўлган масофани, ўқ узишнинг баллистик траекториясини белгилаш тизими ва бошқа қатор функцияларга эга. Бу мукаммал мўлжалга олувчи ускуна бўлиб, кўриниш жиҳатидан ҳам кўнгилдагидек.
Zeiss Victory HT 10×42
Ҳатто бувангиз ҳам Цейс биноклидан фойдаланишга қаршилик қилмаган. 70 йил ўтди, немис бренди эса аввалгидек юқорида ва у бетакрор сифатли суперэргономик биноклларни таклиф қилади. Victory HT линзалари ўртасида азот мавжуд бўлиб, у биноклни намлик ва чанг-тўзондан ҳимоялайди. Зарбага бардошли амортизация эса биноклни хизмат муддати чекланмаган абадий буюмга айлантиради.
