Ироқ марказий банки Ироқ Курдистони банкларига доллар сотишни тўхтатмоқда

Фото: Reuters

Ироқ марказий банки Ироқ Курдистони ҳудудий ҳукуматини бу мухториятнинг етакчи 4 банкига доллар сотишни тўхтатишидан огоҳ қилди. Бу ҳақда банкдаги манбаларга иқтибос келтирган ҳолда Reuters ахборот агентлиги хабар берди. Бундан ташқари, Ироқ марказий банки Ироқ Курдистонига барча хорижий валюта ўтказилишини тўхтатади.

Аввалроқ Ироқ вакиллар кенгаши (парламент) курд ҳудуди билан барча молиявий операцияларнинг музлатиб қўйлишига овоз беришгани маълум қилинганди. Бундан ташқари, марказий банкка бевосита мухториятдаги ҳамда у ерда филиалларига эга бўлган банк тузилмаларига валюта сотиш тақиқлаб қўйилган.