Андижонда компьютер ўғрилари ушланди

Олтинкўл тумани ИИБ ходимлари томонидан олиб борилган тезкор-қидирув ва суриштирув ишлари натижасида, “Алишер текстил” масъулияти чекланган жамият биносида содир этилган ўғрилик жинояти фош этилди. Бу ҳақда Андижон вилояти ИИБ матбуот хизмати хабар бермоқда.

Умумий нархи 4 млн. 300 минг сўм бўлган 7 дона “Intel” русумли компьютер процессори ва 5 дона “Samsung” русумли компьютерларни ўғирлаган Олтинкўл туманида  яшовчи 1993 йилда туғилган А.Ж. ва 1988 йилда туғилган С.А.лар ушланди. Улардан далилий ашё сифатида 2 дона компьютер олинди. 

Ҳолат бўйича тергов ҳаракатлари олиб борилмокда.