АҚШ президенти Дональд Трамп ҳам ва ҳаттоки "бошқа ўнта Трамп" ҳам Теҳрон ядровий дастурдан олаётган фойдани йўққа чиқаролмайди, деб айтди Эрон президенти Ҳасан Руҳоний. Унинг сўзларини Tasnim ахборот агентлиги келтирган.
Руҳоний бу ҳақда Теҳрон университетида олий таълим муассасаларида ўқув йили бошланиши муносабати билан ўтказилган маросимда айтиб ўтган.
Эрон ва 6та халқаро воситачи давлат 2015 йил 14 июлда Эрон атоми муаммосини тартибга солиш бўйича тарихий келишувга эришганди. Келишувга кўра, қўшма ҳаракатлар дастури қабул қилинган. Унинг бажаралиши эвазига БМТ Хавфсизлик кенгаши, АҚШ ва Европа Иттифоқи томондан киритилган иқтисодий ва молиявий санкциялар Эрондан ечилади.
Режа 2016 йил 16 январдан кучга кирган. Трамп эса ушбу битимни бекор қилишни ўйлаётгани ҳақида айтиб ўтган. Битимнинг қолган иштирокчилари эса унга амал қилиш истагини билдиришган.
