Дональд Трамп ноябрь ойининг илк ҳафтасида Японияга боради

Фото: AP

АҚШ президенти Дональд Трамп ўзининг илк Осиё сафари доирасида 5-7 ноябрь кунлари Японияга ташриф буюради. Бу ҳақда Япония вазирлар маҳкамаси бош котиби ўринбосари Кота Ногами эълон қилди, деб хабар қилмоқда ТАСС.

"Ташриф 5 дан 7 ноябргача бўлиб ўтади", - деган бош котиб ўринбосари. Ногами, шунингдек, Япония Трамп Осиё сафари доирасида ташриф буюрадиган илк мамлакат бўлишини таъкидлаган. Шундан сўнг, Америка етакчиси Жанубий Корея ва Хитойга йўл олади.