121 млн. сўмга чув туширган шахсга нисбатан жиноят иши қўзғатилди

Фото: KUN.UZ

Урганч шаҳрида яшовчи, 1989 йилда туғилган А.Д. фирибгарликда устаси фаранг бўлиб чиқди. У 2014 йилнинг август ойида, “Тадбиркорлик билан шуғулланмоқчиман, фойдадан пулингизга устама бериб бораман” деб, Урганч шаҳрида яшовчи таниши, 1971 йилда туғилган Қ.Маликанинг ишончига кириб, унинг 121 800 000 сўм пулларини қўлга киритди. Бу ҳақда Хоразм вилояти ИИБ хабар бермоқда.

Орадан 3 йилдан ортиқ вақт ўтган бўлсада, фойдадан улуш у ёқда турсин, ўзининг берган пулини қайтариб ола билмаган Малика фирибгарнинг тузоғига тушганлигини билиб, ҳуқуқни муҳофаза қилувчи органларга мурожаат қилди.

Олиб борилган суриштирув ишларидан кейин, фирибгарга нисбатан жиноят иши қўзғатилди.

#фирибгарлик #Урганч