Канадада ёнғин вақтида 40 та ноёб машина ёниб кулга айланди

Канадада ёнғин 40 та ноёб автомобиль, жумладан пикап, спорткар ва суперкарлардан иборат коллекциянинг кулини кўкка совурди. Ушбу коллекция Гарри ва Дарлин Кэссидига тегишли бўлган. Кўрилган зиён 2,3 млн Канада долларини (1,8 млн АҚШ доллари) ташкил қилди. Бу ҳақда Driving нашри хабар бермоқда.

Ёнғин Британия Колумбияси вилоятидаги Лэнгли шаҳрида юз берган. Кэссиди автомобиллар учун қурган бино ёниб кетган. Унинг майдони 790 квадрат метрни ташкил қилган. 

Ўт ўчирувчилар ёнғин бошлангандан 45 дақиқа ўтиб келишган. Автомобиллар ва бинони сақлаб қолишнинг иложи бўлмаган.

Гарри Кэссидининг айтишича, автомобиллар ва бино суғурта қилинган бўлган. Унинг таъкидлашича, у охирги 30 йил тўплаган бу коллекцияда ноёб автомобиллар бўлган ва уларнинг ўрнини тўлдиришнинг иложи йўқ. 

Гарри Кэссиди логистик хизматлар кўрсатувчи Legend Tank Lines Ltd. компанияси президенти ҳисобланади.