«Локомотив»​ «Зенит»​ устидан ғалаба қозониб, чемпионат пешқадамига айланди

Москванинг «Локомотив»​ жамоаси «Зенит»​ дарвозасига учта жавобсиз голларни йўллаб, муҳим очколарни қўлга киритди. Шунингдек, Россия футбол чемпионатида 15-турдан сўнг, «Локомотив»​ жадвалда иккинчи ўринда қолган «Зенит»дан 4 очко фарқи билан​ якка пешқадамга айланди.

Меҳмонда ўтган учрашувда Жефферсон Фарфан (58 ва 69 дақиқада) ҳамда Алексей Миранчук (77’) мезбонлар дарвозасини ишғол этди. «Санкт-Петербург»​ майдонида ўтган учрашувга 45829 футбол ишқибозлари тушган бўлиб, «Зенит»​​нинг кетма-кет тўртинчи марта мағлубиятига гувоҳ бўлишди.

«Локомотив»​ биринчи марта 2005 йил ҳеч қандай жамоага мағлуб бўлмай, 33 очко билан чемпионатни муваффақиятли якунланганди. Темирйўлчилар «Зенит»​ни илк марта меҳмонда 2004 йили мағлуб қилган бўлса, 13 йил аввалги ўша ўйинда иккита жавобсиз гол киритилган.

5 ноябрь куни ўтказилиши режалаштирилган кейинги турда темирйўлчилар ЦСКАга, «Зенит»​ эса «​Рубин»​ футболчиларига қарши майдонда тўп суради.