Дайр аз-Зорда яна бир йирик теракт тайёрланганди. Кимёвий қуроллар ортилган автомобиль топилди

Фото: ТАСС

Сурия ҳарбийлари Дайр аз-Зорда кимёвий моддалар ва портловчи қурилмалар ортилган автомобилни топишди. Бу ҳақда РИА «Новости» хабар тарқатди.

Қайд этилишича, автомобилдаги қутилардан бирида кимёвий элементлар мавжудлигини билдирувчи белги қўйилганди.

Миналаган микроавтобус шаҳардаги кварталлардан бирида аниқланган, у ерда яна ўқ-дори ва қуроллар мавжуд иккита омборхона топилган.

«Шаҳарни миналардан тозалаш ишлари давом этмоқда, яна шундай омборхоналар топилиши эҳтимолдан холи эмас», — дея маълумот берган Сурия армияси зобити.

Бундан аввалроқ Дайр аз-Зор яқинидаги қочқинлар лагерида содир этилган портлаш оқибатида 100дан ортиқ киши ҳалок бўлганди.

Тайёрлаган Азиз Қаршиев

#Сурия #Дайр аз-Зор

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.