Абу Камол тўлиқ Сурия назоратига ўтди. Навбат Фротбўйидаги ИШИДга келмоқда

Сурия ҳукумати ҳарбийлари ҳамда Иттифоқчи кучлар Абу Камол устидан тўлиқ назоратни ўрнатди. Бу шаҳар Сурия еридаги ИШИД гуруҳининг сўнгги таянч маркази эди. Бу ҳақда Ҳизбуллоҳ тарқатган маълумотга таяниб Reuters хабар берган.

Жорий йил ноябрь ойи бошида Иттифоқчи кучлар Абу Камолда тўлиқ ғалабага эришгани ҳақида хабар берганди, аммо бироздан сўнг ИШИД гуруҳи томонидан шаҳардаги биноларга ўрнатилган миналар ҳали кўп эканлиги аниқланган.

Абу Камолнинг ҳукумат назоратига ўтиши ИШИД гуруҳи Фрот дарёси қирғоғидаги бир нечта қишлоқда қолгани, шунинг билан дашт ва чўл ҳудудларига сиқилиб кетишини тахмин қилиш мумкин.