7 ёшли қизчани ўлдирган мактаб ўқувчиси умрбод қамоқ жазосига маҳкум қилинди

Буюк Британияда 16 ёшли мактаб ўқувчиси 7 ёшли қизчани ўлдиргани учун умрбод қамоқ жазосига маҳкум қилинди. Бу ҳақда The International Business Times хабар бермоқда. 

Фожиа 2017 йил январда Йорк шаҳрида юз берган. Айбланувчи қизнинг айтишича, у 7 ёшли қизчани робот деб ўйлаб ўлдирган. Ўқувчи қиз қотилликни содир этгандан кейин ўзи полицияни чақиртирган. Полициячилар ўқувчи қизни пичоқ ушлаган ҳолда ва қонга беланган кийимда аниқлашган. Жабрдийда қизча шифохонага етказилган, бироқ бўйни ва кўкрагидан олган жароҳатлардан вафот этган.

Айбланувчи қиз судда атрофидаги ҳар бир одамни “қудратли ва ёвуз куч” билан бошқарилувчи робот деб қабул қилганини тан олган. Қиз жиноятни содир этишдан аввал руҳий муаммоларга эга бўлган. У жиноятни содир этган вақтда 15 ёшда бўлган.