Гулен ташкилотининг молиячиси деб тахмин қилинаётган шахс Судандан Туркияга етказилди
Анқара мухолифатчи Фатҳулла Гулен ташкилотининг (FETO) молиячиларидан бири деб ҳисоблайдиган тадбиркор Мамдуҳ Чикмаз Судандан Туркияга етказилди. Бу ҳақда Anadolu ахборот агентлиги хабар бермоқда.
Туркия ҳукумати FETO’ни мамлакатдаги давлат тўнтарувига алоқадорликда айблаб келади. Гуленнинг ўзи тўнтарувни қоралаб, унга қўйилган айбловларни рад этган.
Туркия хавфсизлик кучларидаги манбанинг маълум қилишича, Чикмазнинг қўлга олиниши Туркия миллий разведка ташкилоти ҳузуридаги FETO бўйича махсус гуруҳ томондан амалга оширилган. Чикмазнинг қаердалиги 2 ой аввал ўрнатилган. Гумонланувчи яширин квартирада ушланиб, сўроқ қилинган.
Чикмаз барча ҳуқуқий тартиботлар амалга оширилгандан кейин Туркияга етказилган. Унинг қўлга олиниши ва Туркияга етказилиши Судан миллий разведка ва хавфсизлик хизмати кўмагида ўтган.
Чорум шаҳрида яшаган, бир нечта АЁҚШ ва ғишт заводига эга бўлган Чикмаз Суданга 2016 йил январида қочган. Туркия хавфсизлик кучларидаги манба маълумотларига кўра, у Гулен тарафдорлари ҳисоб рақамларига Чорум вилояти тадбиркорларидан “ўлпон” сифатида олинган миллионлаб долларларни ўтказиб берган.
Мавзуга оид
18:02 / 27.09.2024
“Ердаги жаҳаннамга ўхшайди”. Суданнинг Тавила шаҳрида кунига ўнлаб болалар очликдан ўлмоқда
10:50 / 15.08.2024
Швейцарияда Суданда тинчлик ўрнатиш бўйича музокаралар бошланди
18:03 / 10.08.2024
Суданда кучли ёмғирлар ва сув тошқинлари қурбонлари сони 77 кишига етди
11:22 / 31.07.2024