Жаҳон чемпионати ўрнига дисквалификация. Перулик футболчи қонида кокаин топилди

Фото: Reuters

Перу терма жамоаси сардори Хосе Паоло Герреро ўз термаси сафида ЖЧ-2018 мусобақаларида иштирок эта олмайди.

ФИФА расмий сайти берган хабарга кўра, Герреро бир йилга дисквалификация қилинди. Унга бир йил давомида исталган турдаги футбол мусобақаларида (ўртоқлик учрашувлари билан қўшилиб) иштирок этиш тақиқланди.

Футболчининг қонидан кокаин метаболити – бензоилэкгонин моддаси топилганди. Бу спорт мусобақаларида иштирок этадиган спортчи учун тақиқланган модда саналади. Герреронинг допинг тести Аргентинага қарши 5 октябрда бўлиб ўтган учрашувдан сўнг ижобий натижа берганди.

Дисквалификация олдинги сана 3 ноябрдан бошлаб ҳисобга олинади. Ўшандан бошлаб футболчи вақтинчалик мусобақаларда иштирок этмай келаётганди.

Тайёрлаган: Азиз Қаршиев

#кокаин #жаҳон чемпионати #Хосе Паоло Герреро