Японияда йилнинг энг яхши автомобили танланди 

“Японияда йил автомобили” (Japan Car of The Year, JCOTY) танлови ташкилотчилари 2017 йилнинг ғолибини маълум қилдилар. 3 йил ичида биринчи марта бу унвон Европа компанияси модели – янги авлоддаги Volvo XC60 кроссоверига берилди.  

Модель бу борада 2- ва 3-ўринларни эгаллаган BMW 5 серияси ва Toyota Camry’ни ортда қолдирди. Йил автомобили 60 кишидан иборат ҳайъат томондан танланган. 

Қуйида ушбу танлов натижалари келтирилган.

Volvo XC60 – 294 балл
BMW 5 Series – 242 балл
Toyota Camry – 232 балл
Suzuki Swift – 210 балл
Honda N-BOX – 189 балл
Lexus LC – 115 балл
Alfa Romeo Giulia – 89 балл
Mazda CX-5 – 83 балл
Citroen C3 – 35 балл
Vokswagen Tiguan – 11 балл

2014 йилда Японияда йил автомобили сифатида Mazda2 хэтчбеги, 2015 йилда янги авлоддаги Mazda MX-5 родстери, 2016 йилда эса Subaru Impreza модели танланганди.

Volvo XC60 кроссовери Женевадаги автосалонда илк бор тақдим қилинган. Модел SPA модул платформасида қурилган. XC60ְ’нинг двигателлари орасида 4 цилиндрли бензин ва дизелда ишловчи ҳамда 407 от кучига эга гибрид двигателлари бор .