Озарбойжон президенти Илҳом Алиев 13 декабрда Истанбулда ўтаётган Ислом ҳамкорлик ташкилоти саммитида АҚШнинг Ал-Қудсни Исроил пойтахти деб тан олиши қарори Фаластин-Исроил ихтилофини ҳал қилишга салбий таъсир қилиши ва қайта кўриб чиқилиши кераклигини айтди.
“АҚШ президенти Дональд Трампнинг Ал-Қудснинг Исроил пойтахти деб тан олиниши ва у ерга АҚШ элчихонасининг кўчирилиши қарори бизда хавотир уйғотмоқда. Бу қарор Фаластин-Исроил ихтилофини адолатли ва ҳар томонлама ҳал қилишга салбий таъсир қилади, у Яқин Шарқ учун хавфли оқибатларга олиб келиши мумкин. Фикримизча, АҚШ бу қарорини қайта кўриб чиқиши лозим”, деб айтган Алиев.