Google’да 2017 йил якунлари: «Ирма» довули, Лас-Вегасдаги отишма, КХДР тажовузи ва қидирувдаги бошқа мавзулар

Google компанияси «Қидирувдаги бир йил» йиллик тўпламининг ўн еттинчисини эълон қилди. Бу тўплам қидирув тизими версияси бўйича йилнинг жаҳоншумул ҳодиса ва воқеалари ва энг долзарб масалаларига бағишланади.

2017 йилда фойдаланувчиларни энг қизиқтирган саволлар «Ўрмон ёнғинлари қандай бошланади?», «Шимолий кореяликларнинг ракеталари нечоғлик узоққа уча олади?», «Жаҳонда қочқинлар сони қанча?», «Довуллар қандай пайдо бўлади?», «Қандай қилиб кучли аёл бўлиш мумкин?» ва бошқалар бўлган.

Фойдаланувчилар энг кўп «Ирма» довули ҳамда янги iPhone 8 ва iPhone X ҳақида маълумотларни қидирувга беришган. Шунингдек, NBC каналининг Today дастурини олиб борувчи, ишқий можаролар туфайли ишдан бўшатилган Мэтт Лауэр ҳақида ҳам кўпроқ билиб олишга ҳаракат қилишган.