Осиёда яшаш учун энг арзон шаҳар аниқланди

Мўғулистон пойтахти - Улан-Батор Осиёда яшаш учун энг арзон шаҳар деб топилди, бу ҳақда ECA International халқаро консалтинг компанияси рейтингида айтилади.

ECA International консалтинг компанияси жаҳоннинг 470 та шаҳрида яшаш қийматини маълум бир товарлар (озиқ-овқат, пойабзал, кийим-кечак, уйга мўлжалланган товарлар) ва бу шаҳарлардаги хизматлар (маиший хизматлар, маданий ҳордиқ ва ҳоказолар) нархини ҳисоблаб чиқиш орқали аниқлайди. 

Улан-Батор мамлакатнинг иқтисодий маркази бўлишига қарамай, бу ерда яшаш қиймати жуда ҳам баланд эмас. Туризмдан келувчи даромадлар эса мамлакат даромадининг тахминан 10 фоизини ташкил этади.

Энг қиммат шаҳарлар рўйхатида Ангола пойтахти Луанда етакчилик қилмоқда, иккинчи ўринда – Судан пойтахти Хартум. Шунингдек, топ-10ликдан Цюрих, Женева, Базель, Берн (Швейцария); Осло (Норвегия), Токио (Япония), Ҳонгконг ва Ставангер (Норвегия) жой олган.

Шуниси эътиборга молик-ки, Буюк Британия пойтахти Brexit фонида фунтнинг курси тушиб кетиши туфайли Ғарбий Европадаги энг арзон туристик шаҳарга айланди. Хусусан, Лондон 36 ўринни йўқотиб, 139-поғонадан жой олди.