Японияликлар Ойда реклама жойлаштиришмоқчи

Япониянинг Ispace Inc. стартапи “Ой иқтисодиёти”ни яратиш учун 90 млн доллар миқдорида инвестиция жалб қила олди. Компания 2019 йилгача Ер орбитасига коинот кемасини учириб, бир йил ўтиб уни Ой сиртига қўндирмоқчи. Стартап ўз инвесторларига  коинот кемаси Ойга қўниши билан у ерда реклама жойлаштириш имконини таклиф қилмоқчи. Инвесторлар орасида Japan Airlines Co. ва Tokyo Broadcasting System Holdings каби йирик компаниялар бор.

Лойиҳага нафақат хусусий компаниялар, балки Япония тараққиёт банки ҳамда давлат томондан молиялаштирилувчи INCJ инновацион компанияси ҳам сармоя киритишга қарор қилган.

Стартап раҳбари Такеши Хакамаданинг айтишича, компаниялар логотиплари коинот кемалари ва вездеходларда ўрнатилади, агар кема Ойга қўндирилса, у ерда ҳам реклама шитлари жойлаштирилади. Унинг ишонишича, бу хизмат талабгир бўлади, чунки кўплаб компаниялар Ер фонида ўз реклама шитлари бўлишини истайдилар.

Стартап Ойда водород ёнилғиси олиш ва турар жойлар қуриш учун сув қидириш бўйича экспедицияни бошлашни реежалаштирмоқда.

Вақти келиб компания “Ой иқтисодиёти”ни яратмоқчи. Бироқ режалар амалга ошишига яна ўнлаб йиллар давомида ишлаш керак бўлади.