Телевизор, телефон ва видеокамерага эга 39 «ёшли» Ferrari аукциондан сотилмоқда

Barrett-Jackson аукционига январь ойи ўрталарида америкалик афсонавий кастомайзер Жорж Барриснинг автомобилларидан бири қўйилади. Айнан у 1966 йилги сериалга Бэтмобилни ва «Йўллар рицари» сериалидан K.I.T.T. машинасини ўйлаб топган. Савдоларга эса Барриснинг шахсан ўзига тегишли бўлган Ferrari 308 GTS спорткари қўйилади.

Баррис бу «Феррари»ни 1978 йилда сотиб олган бўлиб, автомобилни дарҳол қайта ишлашга қарор қилган. Спорткар олтин ранг – жигарранг рангга эга бўлди, кузовда эса Италия байроғи тасвирига ўхшаш чизиқчалар яратилди, ғилдирак аркалари кенгайтирилди, BBS дискларига жуда кенг шиналар ўрнатилди. Бундан ташқари, суратилувчи фаралар олиб ташланди, радиатор панжараси алмаштирилди, олдинда ва орқада янги спойлерлар қўшилди.

Бундан ташқари, спорткарнинг интерьери жиддий ўзгаришларга юз тутди. Автомобиль электрон ускуналар панели, NEC телефони, Sony телевизори, Kenwood аудиотизими, орқани кўриш камераси ва қўриқлаш тизими коди киритилувчи махсус клавиатура билан жиҳозланди.