Google Inc. компаниясига эгалик қилувчи Alphabet холдинги директорлар кенгаши раиси Эрик Шмидт 22 декабрда истеъфога чиқишини эълон қилди.
“Компаниянинг бош ижрочи директори сифатидаги 10 йиллик ва директорлар кенгаши раиси сифатидаги 7 йиллик фаолиятимдан кейин ўзимни тўлиқ фан, технология ва саховатпешаликка бағишлай оладиган онни, Ларри Пейж ва Сергей Брин билан Alphabet келажаги устида биргаликда ишлашни сабрсизлик билан кутмоқдаман”, деб ёзган Шмидт твиттерда.
Шмидт директорлар кенгаши раиси лавозимидан кетгандан кейин ҳам Alphabet’да техник масалалар бўйича маслаҳатчи сифатида ишлашни давом эттиради.
Шмидт Google’да Пейж ва Брин таклифи билан 2001 йилдан ишлашни бошлаган. Google 2015 йилда Alphabet холдинги сифатида қайта шакллантирилган.
