Хитой тақиқларга қарамасдан Шимолий Кореяга нефть сотмоқда – ОАВ
Хитой кемалари Шимолий Корея танкерларига шундоқ денгизда нефть сотмоқда. Бу ҳақда “Чосон Ильбо” нашри АҚШ сунъий йўлдошларидан олинган суратларга иқтибос келтирган ҳолда хабар бермоқда.
Нашр маълумотларига кўра, коинотдан олинган суратларда Хитой танкерлари Шимолий Корея кемаларига нефть қуйишаётгани тасвирланган. Шимолий Кореяга денгизда нефть сотиш БМТ хавфсизлик кенгашининг сентябрда қабул қилинган резолюциясига кўра тақиқланган.
“Биз ноқонуний нефть савдоси сентябрда БМТ Хавфсизлик кенгаши Шимолий Кореяга нефть маҳсулотлари импортини қатъий чеклаганидан кейин бошланганига эътибор қаратишимиз лозим”, деб маълум қилган нашрга ҳукуматдаги манба.
Шимолий Корея 3 сентябрда қитъалараро баллистик ракеталарга мўлжалланган водород жанговар каллагини муваффақиятли синовдан ўтказганини маълум қилган.
Шу сабабли БМТ Хавфсизлик кенгаши Шимолий Кореяга нисбатан санкциялар киритган. Бу санкциялар Пхеньяннинг экспорт-импорт имкониятларини анча чеклайди.
Мавзуга оид
17:12 / 08.10.2024
Шимолий Корея Россияни қўллаш учун Украинага ҳарбийларини юбориши мумкин
23:13 / 27.09.2024
Шимолий кореялик ҳакерлар Германиядаги қуролсозлик компаниясига ҳужум уюштирди
11:20 / 19.09.2024
Шимолий Корея яна ракета синовларини ўтказди
09:48 / 12.09.2024