Хитойда полиция томонидан қўлга олинган шахс полиция маҳкамасидаги бўлмада боши панжаралар орасига қисилиб қолган ҳолда уйғонди. Ушбу ҳолат видеоси Metro нашри томонидан намойиш этилган.
Ролик бошида икки полициячи ушбу шахсни қутқариш учун панжаралар орасини кенгайтиришга бесамар уринаётганини кўриш мумкин. Лекин уларнинг ҳаракати жабрдийдани янада қийнайди ва у йиғлаб, жони оғриётганини айтиб, бас қилишни сўрайди.
У баланд овозда йиғлашни давом эттириб, ўзини ноҳақ ҳибсга олишганидан зорланади.
Якунда уни панжаралар орасидан озод этишга муваффақ бўлишган.
Ушбу йигит нега полиция қўлига тушгани ва нега панжаралар орасида кўз очгани ва уни якунда қандай қилиб қутқариб олишгани маълум эмас.
