Туркия президенти Ражаб Тоййиб Эрдўған мамлакат жанубидаги Хатай вилоятига, Сурия билан чегарадош ҳудудга келди. Бу ҳақда NTV хабар тарқатди.
Қайд этилишича, у «Зайтун бутоғи» амалиётининг қўмондонлик штабида бўлган ва ҳарбий бошлиқлардан рапортларни қабул қилган.
Туркия президентига бош вазир ўринбосари Бекир Бўздоғ, шунингдек, Мудофаа вазири Нуреттин Жаникли ҳамда қуруқликдаги қўшинлар қўмондони Яшар Гулер ҳамроҳлик қилган.
Бундан олдинроқ Туркия ташқи ишлар вазири Мавлуд Човушўғли АҚШни Суриядаги қуролланган курдлар тузилмалари масаласи бўйича берилган барча ваъдаларни бузишда айблагани хабар қилинганди.
