Australian Open: Федерер “Катта дубулға” мусобақаларининг 30-финалида ўйнайди

Швейцариялик теннисчи Рожер Федерер “Катта дубулға” мусобақасининг мавсумдаги илк мусобақаси – Австралия чемпионатининг иккинчи финалчиси бўлди. Мельбурндаги мусобақада 2-рақамли ўйинчи сифатида иштирок этаётган фахрий теннисчи финалда Australian Open’нинг 6-рақамли теннисчиси, хорватиялик Марин Чилич билан учрашади.

Федерер ярим финалда жорий мусобақанинг “кашфиёти”, кореялик Хен Чон билан учрашди. Кореялик теннисчи учрашув Федерер фойдасига 1:6, 2:5 ҳисобида давом этаётганда ўйинни давом эттиришдан бош тортган. Федерер шу тариқа “Катта дубулға” сериясига кирувчи мусобақаларнинг 30-финалига чиқди ва агар ютса, сериядаги 20-унвонни қўлга киритади.  

Федерер ва Чилич расмий учрашувда 9 марта учрашишган, устунлик 8:1 ҳисобида Федерер томонда. 

Австралиядаги мусобақанинг эркаклар ўртасидаги амалдаги ғолиби Федерер, аёллар ўртасидаги ғолиби эса Серена Уильямс ҳисобланади.

Мусобақанинг мукофот жамғармаси 43 млн 54 минг долларни ташкил қилади.