Қозоғистонлик теннисчи Елена Рибакина Australian Open мусобақаси финалида жаҳоннинг биринчи ракеткаси Арина Соболенкони 6:4, 4:6, 6:4 ҳисобида енгиб, мусобақа ғолибига айланди.
Елена «Улкан дубулға» турнирларидаги учинчи финалини ўтказди ва Уимблдон-2022дан кейинги иккинчи совринини қўлга киритди.
У финалга қадар Кайя Юван, Варвара Грачёва, Тереза Валентова, Элизе Мертенс, Ига Свёнтек ва Жессика Пегула устидан ғалаба қозонди. Рибакина ушбу муваффақияти билан WTA рейтингида бешинчи ўриндан учинчи ўринга кўтарилди.
Елена икки ой илгари Соболенкони WTA якуний турнири финалида мағлубиятга учратганди.
Рибакина Мария Шараповадан сўнг Австралия очиқ чемпионатида топ-6ликдаги уч нафар теннисчини мағлубиятга учратган теннисчига айланди: чоракфинал - Ига Свёнтек, яримфинал -Жессика Пегула ва финал - Арина Соболенко.
