Янник Синнер яна Australian Open ғолиби бўлди

23 ёшли италиялик теннисчи Австралиядаги нуфузли турнирда кетма-кет иккинчи марта ғалаба қозонди.

Фото: Getty Images

Дунёнинг биринчи рақамли теннисчиси, италиялик Янник Синнер Мелбурнда бўлиб ўтган «Катта дубулға» туркумига кирувчи Australian Open 2025 турнирида ғолиб чиқди.

Финалда у дунёнинг иккинчи рақамли теннисчиси, германиялик Александр Зверевдан устун келди – 6:3, 7:6 (7:4), 6:3.

Учрашув 2 соат 42 дақиқа давом этди.

Шу тариқа, 23 ёшли италиялик Австралиядаги турнирда кетма-кет иккинчи марта ғалаба қозонди. Бундан ташқари, 2024 йилда у яна бир «Катта дубулға» мусобақаси – АҚШда бўлиб ўтган US Open турнири ғолиби бўлган.

«Катта дубулға» туркумига кирувчи турнирлар туркуми теннисдаги энг нуфузли ҳисобланади ва тўртта мусобақани бирлаштиради: Australian Open, France Open (Roland Garros) ва US Open, шунингдек Буюк Британиядаги Wimbledon турнири.

#теннис #Australian Open #Янник Синнер