Бастиан Швайнштайгер хайрлашув ўйинини ўтказади

Фото: Getty Images

«Чикаго Файр» яримҳимоячиси Бастиан Швайнштайгер 28 август куни фаолиятидаги сўнгги, хайрлашув ўйинини ўтказади.

Kicker хабарига кўра, тадбир Мюнхендаги «Альянц Арена» стадионида бўлиб ўтади ва унда «Бавария» билан «Чикаго Файр» баҳслашади. Футболчи ҳар иккала клуб таркибида 1 таймдан ўйнайди.

«Альянц Арена»га қайтиб, хайрлашув ўйинини ўтказишдан жуда бахтиёрман. Умид қиламанки, фаолиятимнинг бошидан бери мени қўллаб келган «Бавария» мухлислари билан яна бир бор учрашаман», - деди Швайнштайгер.