Кипрдаги президент сайловларининг 2-босқичига амалдаги президент чиқди

Кипр Республикасининг амалдаги президенти Никос Анастасиадис мамлакатда ўтган президент сайловларининг 1-босқичида ғалаба қозонди, бироқ у мутлақ ғалабага эриша олмади. Бу ҳақда Кипр сайлов комиссияси маълум қилди.  

Маълум қилинишича, Анастасиадис 35,5 фоиз овоз билан 1-ўринни эгаллади. Бироқ амалдаги президент мутлақ ғалаба учун зарур бўлган 50 фоизлик бўсағадан ўта олмагани сабаб 2-босқичда курашни давом эттиради.

Анастасиадиснинг 2-босқичдаги рақиби, мамлакатнинг асосий мухолиф партияси – Кипр ишчи халқининг тараққиёт партияси томондан қўллаб-қувватланувчи номзод – Ставрос Малас бўлади. У 1-босқичда 30,25 фоиз овоз тўплаган.