«Ливерпуль» сафарда йирик ғалабага эришди

Англия Премьер-лигасининг 25-турида «Ливерпуль» «Ҳаддерсфилд Таун» меҳмони бўлди. «Жон Смит — Гэлфарм» стадионида кечган учрашув меҳмонлар жамоасининг 3:0 ҳисобидаги ғалабаси билан якунланди.

Юрген Клопп шогирдлари 26-дақиқадаёқ олдинга чиқиб олишди, гол муаллифи Эмре Жан. Биринчи бўлимга қўшиб берилган дақиқаларда Роберто Фирмино мерсисайдликлар жамоасининг устунлигини оширди. Ўйиннинг 78-дақиқасида пенальтини аниқ ижро этган Муҳаммад Салоҳ ўйиннинг якуний натижасини ўрнатди — 3:0.

Эндиликда чемпионат турнир жадвалида «Ливерпуль» 50 очкоси билан тўртинчи ўринда, «Ҳаддерсфилд Таун» эса 24 очкоси билан — 14-поғонада жойлашган.

Тур доирасидаги яна бир учрашув «Вест Ҳэм Юнайтед» ва «Кристал Пэлас» ўртасида кечди. Ушбу учрашувда кучлар тенг келди — 1:1.

Англия чемпионати 
25-тур
Ҳаддерсфилд – Ливерпуль 0:3 (0:2, 0:1)
Голлар: 0:1 – 26 Жан, 0:2 – 45 Фирмино, 0:3 – 78, Салоҳ (пенальти).
Ҳаддерсфилд – Лессль, Хадерджонай, Йоргенсен, Шиндлер, Конголо, Леве (Инс, 79), Муй (ван Ла Парра, 79), Хогг, Биллинг, Депуатр, Мунье (Кванер, 63).
Ливерпуль – Кариус, Гомес, Матип, Ловрен, Робертсон, Жан, Хендерсон (Вейналдум, 83), Милнер, Салоҳ (Окслейд-Чемберлен, 83), Фирмино (Соланке, 89), Мане.

Вест Ҳэм – Кристал Пэлас 1:1 (1:1, 0:0)
Голлар: 0:1 – 24 Бентеке, 1:1 – 43, пенальти Нобл.
Вест Ҳэм – Адриан, Коллинз, Огбонна, Райс, Байрэм, Сабалета, Нобл, Крессуэлл, Куяте (Оксфорд, 86), Жоау Мариу, Эрнандес.
Кристал Пэлас – Ҳеннесси, Фосу-Менса, Келли, Томкинс, ван Анхолт, Заа, Макартур, Миливоевич, Таунсенд, Бентеке, Сако (Кабай, 41).
Огоҳлантиришлар: Миливоевич (4), Томкинс (45), Байрэм (56), Таунсенд (69).