Нефть гиганти электромобиллар учун мобил зарядлаш қурилмаларига маблағ йўналтиради

ВР — саноатдаги энг консерватив нефть компанияларидан бири - 5 миллион доллар киритишга муносиб стартапни топди. FreeWire эски аккумуляторлардан мобил заряд станцияларини ясайди — бу АЁҚШга келувчиларга янги хизматни тақдим этиш ва талабни текшириш учун айни муддао.

Европа компаниялари орасида Нидерландиянинг Shell заряд станциялари тармоғи бу соҳани фаол ривожлантиришга эътибор қаратмоқда: у янги станциялар қурмоқда, оддий ёқилғи қуйиш шохобчаларида ўз қурилмаларини ўрнатмоқда, ўтган йилнинг кузида эса NewMotion электромобилларини зарядловчи Европадаги энг йирик тармоқлардан бирини харид қилди. BP қуёш энергетикасига салмоқли маблағ йўналтирмоқда, электромобиллар бозорига эса анчадан бери кўз тикаётганди. 

BP Downstream раҳбари Тўфон Эргинбилгичнинг сўзларига кўра, истеъмолчилар талаби ва бу соҳадаги технологияларнинг ўзи ҳозирча ривожланмоқда. Бироқ компания трендни синаб кўришнинг эҳтиёткор усулини топди. Электромобиллар учун заряд станциясининг энг бюджет вариантини таклиф қилувчи FreeWire стартапи (АҚШ) ВР'дан 5 миллион маблағга эга бўлди. 

Компанияга ғояни дастлаб LinkedIn корпоратив шохобчаларида синаб кўрган Аркадий Сосинов асос солган. Электромобиллар учун заряд етмаган ва компания кун давомида автомобиль жойини ўзгартиришга тўғри келмаслиги учун ходимлар машинасини қандай зарядлаш устида бош қотирган. Сосинов заряд қурилмаларнинг ўзини автомобиллар олдига олиб келишни таклиф қилди — бу дастлаб шунчаки у бир батареяга бирлаштирган ва кресло-аравачага юкланган бир уюм эски аккумуляторлар эди. Энди ҳаракатланувчи FreeWire Mobi Charger станциялари — саноат музлатгичларига ўхшаш массив блок, бироқ ғоя ўша-ўша қолган: баъзан аккумуляторни электромобиль ёнига келтирган маъқул. Заряд тугаганда эса, Mobi Charger оддий розетка орқали кучларни қайта тиклаши мумкин.

"Биз ВР'нинг ўз мижозлари учун зарядлаш вариантларининг кенг спектрини тақдим этиш ниятини қўллаб-қувватлаймиз... ВР'нинг транспорт инфратузилмасидаги энг муҳим провайдер бўлишига қарамай, биз томонимиздан ушбу инвестицион ҳамкорлик орқали таклиф қилинган қарорнинг истиқболини эътироф этганлиги бизни  рағбатлантирди", - дейди Сосинов. 

ВР ўзининг Буюк Британия ва Европа континентал мамлакатларидаги қатор ёқилғи қуйиш шохобчаларида Mobi Charger аравачаларини ўрнатишни режалаштирмоқда.