Қирғизистон: Ўзбекистон билан чегарада яраланган фуқаро бўйича суриштирув давом этмоқда

Қирғизистон-Ўзбекистон чегарасида яраланган қирғизистонлик фуқаро бўйича суриштирув ишлари олиб борилмоқда. Бу ҳақда АКИpress Қирғизистон Давлат чегара хизматига асосан хабар берди.

Суриштирув ишларини олиб бориш учун махсус комиссия ташкил этилган. У чегара хизмати бошқармаси органлари ва маҳаллий ҳокимият вакилларидан ташкил топган. Қирғизистон томони суриштирувни худди ўзбек томони каби алоҳида олиб бормоқда.

«Натижалар яқинда маълум бўлади. Уларга кўра, қўшимча маълумот берилади», - дея хабар қилишган Қирғизистон Давлат чегара хизматидан.

Мавзуга оид: Ўзбекистон оёғидан яраланган шахсни Қирғизистонга топширди

Эслатиб ўтамиз, аввалроқ Ўзбекистон чегарасини ноқонуний кесиб ўтган қирғизистонлик оёғидан яралангани хабар қилинганди.