Фото: Тайвандаги зилзила оқибатлари
6 февраль куни Тайваннинг шимоли-шарқида 6,4 магнитудали ер силкиниши содир бўлди. Зилзила эпицентри Хуалянь шаҳридан 18,3 километр шимоли-шарқда, ўчоғи 10 километр чуқурликда жойлашганди.
Ушбу табиий офат оқибатида Маршал меҳмонхонасининг биноси вайрон бўлди, шунингдек, бир нечта бошқа меҳмонхоналар ва шаҳардаги кўплаб бинолар шикастланди.
CNA агентлиги қутқарувчиларга таяниб хабар беришича, зилзила оқибатида камида 4 киши ҳалок бўлди, 243 киши жароҳат олди. Яна камида 60 киши бедарак кетган деб ҳисобланмоқда. Бедарак йўқолганлар орасида Хитой, Чехия, Япония, Сингапур ва Жанубий Корея фуқаролари бор.
Айни вақтда 35 мингга яқин турар жой сув таъминоти ва электрдан маҳрум бўлган. Ер силкиниши оқибатида кўплаб кўчаларда ёриқлар ҳосил бўлиб, бир нечта кўприклар бузилган. Қутқарувчилар зилзила оқибатларини бартараф этиш ва бедарак йўқолганларни қидириш ишларини давом эттирмоқда.
Ҳукумат яқин вақтлар ичида яна камида 5 балли зилзила рўй бериши мумкинлигидан огоҳлантирмоқда.
2016 йили Тайван жанубида рўй берган зилзила оқибатида 100 киши қурбон бўлганди. 1999 йилда ушбу орол давлатда 7,6 магнитудали ер силкиниши содир бўлиб, 2000 дан ортиқ кишини ҳаётдан олиб кетганди.
Мавзуга оид
07:10 / 14.10.2024
Хитой Тайван яқинида янги ҳарбий машқларни бошлади
23:37 / 13.10.2024
Тайван Хитой авиаташувчиси сабаб ўз қўшинларини жанговар шай ҳолатга келтирди
19:46 / 11.10.2024
Хитойда iPhone ишлаб чиқарувчи завод ходимлари ҳибсга олинди
21:06 / 12.09.2024