Қўшимча функционаллар
-
Тунги кўриниш
Сеулда Шимолий Кореяга қарши намойишлар давом этмоқда
Фото: yonhapnews
Жанубий Корея пойтахти Сеулда Шимолий Кореянинг мусиқий гуруҳи иштироқ этиши керак бўлган майдонда норозилик намойишлари бўлиб ўтди. Шимолга қарши қаратилган намойишлар давомида Шимолий Корея байроғи ёқиб юборилган. Бу ҳақда Yonhap ахборот агентлиги хабар бермоқда.
Маҳаллий полициянинг маълум қилишича, шаҳар марказида 1,3 мингга яқин одам йиғилиб, шимолий кореялик спортчиларнинг Олимпиадада бирлашган Корея жамоаси таркибида ўйнаётганига қарши норозилик билдиришган. Маълум қилинишича, Шимолий Корея байроғидан ташқари, намойишчилар шимоллик мухлисаларни тасвирловчи ниқобларни ҳамда бирлашган Корея байроғини ёқишган. Полиция ўтўчиргичлар ёрдамида оловни ўчиришга ҳаракат қилган, бироқ намойишчилар томондан қаршиликка учраган.
Бундан ташқари, намойишчилар Шимолий Кореянинг биринчи раҳбари Ким Ир Сен ва амалдаги етакчиси Ким Чен Иннинг суратларини ёқишга ҳаракат қилишган, бироқ бунга полиция йўл қўймаган.
Мавзуга оид
22:52 / 25.11.2024
Шимолий Корея баллистик ракеталар ишлаб чиқарувчи заводини кенгайтирмоқда
18:56 / 25.11.2024
Жанубий Корея прокуратураси Samsung раҳбари учун 5 йил қамоқ жазоси талаб қилмоқда
15:50 / 25.11.2024
Жанубий Кореяда армиядан бўйин товлаш учун атай семирган фуқаро қамалди
18:59 / 19.11.2024